Bæn fyrir kirkjunni

1. VAKNA (S) -

Biðjum Guð að vekja kirkju sína á Íslandi að Guð mætti taka okkur úr doðanum og mókinu í að sjá hvað raunverulega skiptir máli. Bara Hann skiptir máli og ekkert annað. Við viljum lifa róttækari og helgaðra lífi.

Opinb. 3:2  Vakna þú og styrk það sem eftir er og að dauða komið.

2. AFTURHVARF - IÐRUN (L)

Við leggjum til hliðar allar málamiðlanir og rangindi og hverfum aftur til Drottins. Biðjum Drottinn um að kirkja Guðs á Íslandi mætti auðmýkja sig í Föstu og bæn. Samkvæmt Jóel kafla 2.

Jóel 2:12.15-16.  En snúið yður nú til mín - segir Drottinn - af öllu hjarta, með föstum, gráti og kveini.  ¹⁵Þeytið lúðurinn í Síon, stofnið til helgar föstu, boðið hátíðarstefnu.  ¹⁶Kveðið saman lýðinn, helgið söfnuðinn, stefnið saman gamalmennum, safnið saman börnum og brjóstmylkingum.  Brúðguminn gangi út úr herbergi sínu og brúðurin út úr brúðarsal sínum.

3. OPINBERUN  -

Við viljum opinberun á hver Guð er inn í kirkjuna.  Að Guð mætti opinbera hjarta sitt, leyndardóma sína og hvernig  Hann starfar.   Opinberun um helgun, föstu, bæn og að Hann mun koma aftur í skýjum himinsins.

Bréf Páls til Efesusmanna 1:18 Ég bið hann að upplýsa sálarsjón yðar, svo að þér skiljið, hver sú von er, sem hann hefur kallað oss til, hver ríkdómur hans dýrlegu arfleifðar er, sem hann ætlar oss meðal hinna heilögu,

4. REISA UPP BÆN  -

Biðjum Guð að reisa upp bænaher á Íslandi, fólk sem er til í að leggja allt í sölurnar, til að sitja við fætur Drottins, lýta auglit Hans og þekkja hjarta Hans.

Sálmur 2:8   Bið þú mig, og ég mun gefa þér þjóðirnar að erfð og  endimörk jarðar að óðali.

5. TRÚA FYRIRHEITUNUM (S)

Við veljum að trúa fyrirheitum Drottins fyrir þessu landi, fyrir kirkjuna og þau spádómsorð sem hafa komið og hafa verið staðfest, við vitum að þau munu rætast á sínum tíma. En við biðjum Guð mætti þetta vera dagurinn mætti þetta vera tíminn.  Reistu upp kirkju þína.

Jeremía 33:14 Sjá, þeir dagar munu koma _ segir Drottinn _ að ég mun láta rætast fyrirheit það, er ég hefi gefið um Ísraels hús og Júda hús.

Lúkas 1: 45    Sæl er hún, sem trúði því, að rætast mundi það, sem sagt var við hana frá Drottni."

6. NÝTT UPPHAF - ANNAÐ TÆKIFÆRI

Fólk sem hefur þekkt Guð, en yfirgefið Hann og þá köllun sem hvílir yfir lífum þeirra. Við köllum þau inn! Nýtt upphaf er í boði og annað tækifæri. (Endilega nefnið þið nöfn þeirra sem þið þekkið).  Í dag er tími endurreisnar í húsi Guðs.

Jesaja 11:11  Á þeim degi mun Drottinn útrétta hönd sína í annað sinn til þess að endurkaupa þær leifar fólks síns, sem eftir eru í Assýríu, Norður-Egyptalandi, Suður-Egyptalandi, Blálandi, Elam, Babýloníu, Hamat og á eyjum hafsins.

7. FIMMFALDA ÞJÓNUSTAN RÍSI UPP -

POSTULAR - SPÁMENN - TRÚBOÐAR -HIRÐAR - KENNARAR

Biðja Guð um að reisa upp menn og konur sem hafa smurningu POSTULA / SPÁMANNA /TRÚBOÐA / KENNARA / HIRÐAR.  AÐ kirkja Guðs á Íslandi mætti hafa allar þessar þjónustur starfandi.  Biðjum um lítilæti, auðmýkt og einingu svo þetta mætti verða.

Efesus 4: 11  Og frá honum er sú gjöf komin, að sumir eru postular, sumir spámenn, sumir trúboðar, sumir hirðar og kennarar.

Samkvæmt Efesus 6:10-18  Við viljum vera kirkja sem stenst vélabrögð djöfulsins. Biðjum Guð að íklæða kirkjuna herklæðum Hans.  Svo við tekið vald yfir kringumstæðum í samfélaginu hverju sinni.

8. BIBLÍAN -

Biðjum Guð að gefa hungur og ástríðu eftir Orði sínu í líkama Krists á Íslandi.   Biðjum Guð um að gefa okkur góða þýðinga á Biblíunni án Apókrýfubókanna.

Bréfið til Hebrea 4:12 Því að orð Guðs er lifandi og kröftugt og beittara hverju tvíeggjuðu sverði og smýgur inn í innstu fylgsni sálar og anda, liðamóta og mergjar, það dæmir hugsanir og hugrenningar hjartans.

Jóhannes 10:35 _ og ritningin verður ekki felld úr gildi, _

Bæn fyrir Íslandi

1. Syndajátning - iðrun

Við viljum játa syndir Íslands og hvernig við sem íslendingar höfum vikið frá Drottni.  Biðjum Guð um sanna iðrun í íslensku þjóðina.

Esra 9:6  og sagði: "Guð minn, ég fyrirverð mig og blygðast mín að hefja auglit mitt til þín, ó minn Guð! Því að misgjörðir vorar eru vaxnar oss yfir höfuð og sekt vor orðin svo mikil, að hún nær til himins.

2. AFTURHVARF - SNÚA VIÐ HÖGUM OKKAR

Við játum það út að við sem þjóð viljum hverfa aftur til Guðs og að Hann mætti snúa okkur til sín og snúa við högum okkar.

Sakaría 1:3   Seg því við þá: Svo segir Drottinn allsherjar: Snúið yður til mín _ segir Drottinn allsherjar _ þá mun ég snúa mér til yðar _ segir Drottinn allsherjar.

3. UNGA FÓLKIÐ -

Biðjum Guð um að úthella Anda sínum yfir unga fólk þessa lands. Biðjum um ótta fyrir Guði og heilagleika Hans í ungu kynslóðina.

Jóel 3:1 En síðar meir mun ég úthella anda mínum yfir allt hold. Synir yðar og dætur yðar munu spá, gamalmenni yðar mun drauma dreyma, ungmenni yðar munu sjá sjónir.

4. Kristin þjóð -

Við játum það út að við erum Guðslýður ( íslendingar) við tilheyrum Honum og lútum Honum einum.

Sálmur 33:12 Sæl er sú þjóð er á Drottin að Guði, sá lýður er hann hefir kjörið sér til eignar.

5. FÓSTURDEYÐINGAR  -

Biðjum Guð að enda fóstureyðingar, að Guð snerti við mæðrum, feðrum, læknum, hjúkrunafræðingur, félagsráðgjöfum, stjórnmálamönnum og fjölmiðlum til að sjá sannleikan. Við biðjum um umskifti í samfélaginu.

Sálmur 139: 13 - 16  Því að þú hefir myndað nýru mín, ofið mig í móðurlífi. Ég lofa þig fyrir það, að ég er undursamlega skapaður, undursamleg eru verk þín, það veit ég næsta vel. Beinin í mér voru þér eigi hulin, þegar ég var gjörður í leyni, myndaður í djúpum jarðar. Augu þín sáu mig, er ég enn var ómyndað efni, ævidagar voru ákveðnir og allir skráðir í bók þína, áður en nokkur þeirra var til orðinn.

6. STJÓRNMÁL-

Biðjum Guð um guðlega stjórnmálamenn. Menn og konur sem standa fyrir það sem Guðs er og hvika hvorki til hægri né vinstri frá sannleikanum. 

Orðskviðirnir 21:1 Hjarta konungsins er eins og vatnslækir í hendi Drottins, Hann beygir það til hvers, er Honum þóknast.   

Sálmur 119:3  Og tak aldrei sannleikans orð burt úr munni mínum, því að ég bíð dóma þinna.

7.  HJÓNABÖND -

Biðjum Guð um að trúnaðurinn snú aftur í hjónabönd á Íslandi. Um sáttargjörð þar sem ósætti er, endurreisn og ást. 

Malakí 2:16 Því að ég hata hjónaskilnað _ segir Drottinn, Ísraels Guð, _ og þann sem hylur klæði sín glæpum _ segir Drottinn allsherjar. Gætið yðar því í huga yðar og bregðið aldrei trúnaði.

Kólossubréf 3 : 14 En íklæðist yfir allt þetta elskunni, sem er band algjörleikans.

8. BÖRNIN-

Biðjum Guð um að börnin fái að koma til Hans og að ENGINN varni þeim það. Biðjum Guð að reisa börn þessa lands til að verða þjónar Hins hæðsta lifandi Guðs.

Markúsarguðspjall 10:14 Þegar Jesús sá það, sárnaði honum, og hann mælti við þá: "Leyfið börnunum að koma til mín, varnið þeim eigi, því að slíkra er Guðs ríki.

Sálmarnir 8:3 Af munni barna og brjóstmylkinga hefir þú gjört þér vígi til varnar gegn óvinum þínum, til þess að þagga niður í hefndargirni óvinarins.

9. DÝRÐ GUÐS -

Við játum út að Drottinn er heilagur og Hans er dýrðin og mátturinn og vegsemdin og hátignin, yfir öllu og innan kirkjunnar. Biðjum Guð að opinbera dýrð sína í líkama sínum á Íslandi að ótti Guðs mætti vera í hjörtum hinna trúuðu að við heirðum nafnið Hans með öllu lífi okkar.

Fyrri Kroníkubók 29:11 Þín, Drottinn, er tignin, mátturinn og dýrðin, vegsemdin og hátignin, því að allt er þitt, á himni og jörðu. Þinn er konungdómurinn, Drottinn, og sá, er gnæfir yfir alla sem höfðingi.